Diksyunaryong Filipino Filipino Talatini Bagong Edisyon by Corazon Ples Padilla - Trade Paperback

Inihanda ang Diksyunaryong Filipino-Filipino upang makatugon sa pangangailangan ng
mga mag-aaral at iba pang nagnanais mapalawak ang kaalaman sa ating Wikang Pambansa.
Naaayon ito sa bagong alpabetong may dalawampu't walong titik. Kasama ang c, f, j, n,
q, v, x, at z, na wala sa dating Abakada, bagama't binibigyang paliwanang ang gamit ng mga
ito.
Batay sa Surian ng Wikang Pambansa ang mga salitang ipinasok. Marami ring mga taal
na Tagalista an gaming hiningan ng payo at tulong. Mapapansin kahit na pare-parehong
Filipino ang wika sa maraming lalawigan, may mga salitang napapaiba. Tulad nitong isang
halimbawa: kung tawagin ang mga bata sa Lemery, Batangas ay Taking sa lalaki, at Tagay sa
babae. Sa Tanawan, na sakop din ng Batangas, sila ayUtoy at Ineng. Maraming ganitong mga
pangyayari, kaya nasa gagamit ang pasiyang pumili ng salitang angkop sa kanilang ibig sabihin.
Kung may maibibigay pang ibang kahulugan ay lalong mabuti. Tunay na maliit itong
talatinigang ito para mailakip ang lahat ng kahulugan ng isang salitang-ugat.
Ipinararating naming ang lubos naming pasasalamat sa lahat ng tumulong sa pagbubuo
ng aklat. Asahan po natin sa pamamagitan nito ay higit na lalalim ang pag-unawa ng mga
gagamit sa ating wikang Filipino.