Heartless With Jacket by Jonaxx - Hardcover

Elevators. Airplanes. Palaman ng sandwich. 'Yong feeling na papunta ka pa lang at excited ka sa pupuntahan mo. 'Yong katulad ng feeling ng papalapit ang birthday mo. 'Yong feeling na papalapit pa ang isa pang espesyal na araw. 'Yong feeling na ilang oras na lang Pasko na. 'Yong feeling na tatlong araw na lang ay simula na ulit ng pasukan. 'Yong feeling na nasa gitna ka pa lang at 'di ka pa nakakarating sa pupuntahan mo. 'Yong feeling na malapit na pero hindi pa pala. 'Yon ang palagi kong gusto. 'Yong habang nasa kalagitnaan pa lang. 'Yong nasa gitna ng dalawang bagay. Gitna ng dalawang buildings. Gitna ng langit at lupa. Gitna ng dalawang matatabang tinapay. Gitna ng byahe papuntang Disneyland. Mas gusto ko 'yong feeling habang nasa byahe kaysa sa nakarating na. Mas gusto ko 'yong feeling na may hinihintay kaysa sa nandyan na. I always like the things in between.

“You only like things in between, Coreen. You only like the chase. You only want me chasing after you. You don't want to decide. Pero pakiusap naman, magdesisyon ka na, kasi tao rin naman ako, nasasaktan. And you? I don't think nararamdaman mo 'yong sakit na nararamdaman ko. You are just too heartless.”