Si Wayna by A_Bad Mass Market - Philippine Fiction - Wattpad Books

May batang multong nagpaparamdam kay Joy, isang pitong taong gulang na nagsa-summer class sa school ng tita ni Eula, at nakita niya rin ito. Gusgusin at maputla ang multo sa suot na pulang bestida. Nakatirik ang mga mata nito at duguan ang ulo. Sa tingin ni Eula, pinatay ito at naghahanap ng hustisya.
Ayaw sanang makialam ni Eula dahil nagbabakasyon lang siya. Dumalaw siya sa tahimik na lugar ng kamag-anak sa probinsya para makapag-relax at hindi para takutin ang sarili. Pero bukod sa naawa siya sa bata, naintriga rin siya sa isinisigaw ng aparisyon sa kanya: “Wayna!”
Sigurado siyang pangalan ang tinukoy nito. Pero sino si Wayna?"